Dasara Movie : నాచురల్‌ స్టార్ నాని హీరోగా నటిస్తున్న చిత్రం దసరా. శ్రీకాంత్ ఓదెల దర్శకత్వం వహిస్తున్న ఈ సినిమాలో కీర్తి సురేష్‌ హీరోయిన్‌గా నటిస్తుంది. ఇప్పటికే షూటింగ్ కంప్లీట్ చేసుకున్న ఈ చిత్రం ప్రస్తుతం పోస్ట్‌ ప్రొడక్షన్‌ పనుల్లో ఉంది. బొగ్గు గనుల నేపథ్యంలో పాన్‌ ఇండియా స్థాయిలో విడుదల కానున్న ఈ చిత్రంపై ఇప్పటికే భారీ అంచనాలు ఉన్నాయి. మార్చ్ 30న దసరా సినిమా రిలీజ్ కాబోతుంది. అయితే తాజాగా దసరా సినిమాకు ఆర్ట్ డైరెక్టర్ గా పనిచేసిన అవినాష్ కొల్లా ఇచ్చిన ఇంటర్వ్యూలో పలు ఆసక్తికర విషయాలను వెల్లడించాడు.
గతంలో నాని చేసిన పలు సినిమాలకు అవినాష్ పని చేశారు. మళ్ళీ ఇప్పుడు దసరా సినిమాకు కలిసి పనిచేయడం సంతోషంగా ఉందన్నాడు. అలానే దసరా సినిమా గురించి మాట్లాడుతూ.. తెలంగాణ బొగ్గు గనులకు దగ్గర్లో ఉన్న ఓ పల్లెటూళ్ళో 25 ఏళ్ళ క్రితం జరిగే కథ ఈ మూవీ. అందుకు హైదరాబాద్ బాచుపల్లి దగ్గర్లో ఉన్న అడవి దగ్గర 22 ఎకరాల్లో ఊరి సెట్ వేశాం. ఇందుకు ఊరంతా బొగ్గు, దుమ్ము ఉండేలా అన్నిట్లో పక్కాగా జాగ్రత్తలు తీసుకొని డిజైన్ చేశాము. షూటింగ్ లో కూడా చాలా మంది సినిమా వాళ్లే అది నిజమైన ఊరు అనుకున్నారు.
సెట్ లో ఉన్న కరెంట్ స్థంబాలు, వైర్లు చూసి విద్యుత్ శాఖ వాళ్ళు వచ్చి ఇది నిజంగా వేసారేమో అని అడిగారు వాళ్లకు సెట్, సినిమా షూట్ అని చెప్పాల్సి వచ్చింది అని చెప్పారు. ఇక ఈ ఊరి సెట్ కి దాదాపు 10 కోట్లకు పైనే ఖర్చు అయిందని సమాచారం. ఈ మూవీ భారీ హిట్ సాధించాలని నాని అభిమానులంతా కోరుకుంటున్నారు.
