Megastar Chiranjeevi : ఇటీవల కాలంలో చిన్న సినిమాలు బాక్సాఫీస్ వద్ద సూపర్ సక్సెస్ ని అందుకుంటున్నాయి. అంచనాలు లేకుండా రిలీజ్ అయ్యి.. ప్రేక్షకుల మన్ననలతో పాటు మంచి కలెక్షన్స్ ని కూడా రాబడుతున్నాయి. ఈ కోవలోకే వస్తుంది బలగం చిత్రం. కమెడియన్ గా టాలీవుడ్ లో పలు సినిమాలు నటించిన “వేణు టిల్లు”.. జబర్దస్త్ ద్వారా మరింత గుర్తింపు తెచ్చుకున్నాడు. అయితే ఇప్పుడు దర్శకుడిగా మారి బలగం సినిమాని రూపొందించాడు. చిన్న సినిమాగా విడుదలైన ఈ మూవీ విమర్శకుల ప్రశంసలను అందుకుంది.
ప్రియదర్శి ప్రధాన పాత్రలో నటించిన ఈ సినిమాలో కావ్య కళ్యాణ్ రామ్‌ హీరోయిన్‌గా నటించింది. ఇక మూవీలో భీమ్స్ సిసిరోలియో స్వరాలు సినిమాని నెక్స్ట్ లెవెల్ కి తీసుకెళ్ళాయి. ఈ కామెడీ, ఎమోషనల్ డ్రామాని దిల్ రాజు ప్రొడక్షన్స్ బ్యానర్ పై దిల్ రాజు కూతురు హర్షిత రెడ్డి నిర్మించింది. ఈ సినిమా ప్రమోషన్స్ ని దిల్ రాజు భుజాలపై మోసుకొని నడిపించాడని చెప్పాలి. తెలంగాణ సంస్కృతి, సంప్రదాయాలను, పిండ ప్రదానం కార్యక్రమాలను మలచిన తీరు అందరికీ కంటతడి తెప్పించింది. కాగా తాజాగా మెగాస్టార్ చిరంజీవి ఈ చిత్ర బృందాన్ని అభినందించారు.
ఈ మేరకు ‘భోళా శంకర్’ సినిమా సెట్ లో.. ఈ రోజు బలగం టీమ్ ను చిరంజీవి సన్మానించారు. సినిమాను చక్కగా రూపొందించావంటూ డైరెక్టర్ వేణుకు అభినందనలు తెలిపారు. ‘ఇంత బాగా సినిమా చేసి మాకు షాక్ లు ఇస్తే ఎలా?’ అంటూ సరదాగా చెప్పారు. అలానే నిజాయతీ ఉన్న సినిమా బలగం అని.. కమర్షియల్ ప్రొడ్యూసర్ ఉన్నప్పటికీ సినిమాకు నువ్వే పూర్తి న్యాయం చేశావు. తెలంగాణ సంస్కృతిని వంద శాతం చూపించావు అని చిరంజీవి ప్రశంసించారు. వేణు గతంలో జబర్దస్త్ షోలో చేసిన స్కిట్ చూశానని, అతడిలో ఇంత టాలెంట్ ఉందా? అనిపించిందని, ఒగ్గు కథలు వంటివి బాగా చేశాడని ప్రశంసించారు. ఈ సినిమా తర్వాత అతడిపై గౌరవం మరింత పెరిగిందని చిరంజీవి చెప్పారు. ఈ సినిమా చూశాక తన టాలెంట్ ను మరోసారి నిరూపించుకున్నాడని అనిపించిందని చెప్పారు. కాగా ఇందుకు సంబంధించిన వీడియోను దిల్ రాజు ప్రొడక్షన్ హౌస్ పోస్ట్ చేసింది.
A mega moment for team #Balagam!
Thank you megastar @KChiruTweets Garu for your kind words! This means the world to us❤❤
@OfflVenu @priyadarshi_i @KavyaKalyanram @dopvenu @LyricsShyam #BheemsCeciroleo @DilRajuProdctns @HR_3555 #HanshithaReddy @adityamusic @vamsikaka pic.twitter.com/piPOsVan5K
— Dil Raju Productions (@DilRajuProdctns) March 11, 2023
