మెగాస్టార్ చిరంజీవి అభిమానులకు ఆరాధ్య దైవం, తన అభిమానుల కోసం ఏం చేయడానికైనా సిద్ధంగా ఉంటారాయన. అనారోగ్యంతో బాధపడుతున్న విశాఖపట్టణంకు చెందిన వెంకట్ అనే అభిమాని మెగాస్టార్ చిరంజీవి గారిని చూడాలని అనుకుంటున్నట్టు ట్విట్టర్ వేదికగా కోరగా వెంటనే ఫ్లైట్ టికెట్లు తీయించి మరీ మెగాస్టార్ హైదరాబాద్ పిలిపించుకున్న సంగతి తెలిసిందే.
వెంకట్ సహా ఆయన భార్య సుజాతతో సుమారు నలభై ఐదు నిమిషాల పాటు భేటీ అయిన చిరంజీవి వెంకట్ ఆరోగ్య పరిస్థితి గురించి వివరాలు అడిగి తెలుసుకోవడమే కాక మెడికల్ రికార్డులు కూడా పరిశీలించారు.
ఇక వెంకట్ కు మెగాస్టార్ చిరంజీవి రెండు లక్షల ఆర్థిక సహాయం కూడా చేశారు. అవసరమైన వైద్య ఖర్చులు తాను భరిస్తానని చెప్పిన శ్రీ చిరంజీవి తక్షణ సహాయంగా రెండు లక్షల రూపాయలు సాయాన్ని అందించారు. తన అభిమాన హీరోని చూస్తే చాలని భావించిన వెంకట్ కు చిరంజీవి తన విషయంలో, తన ఆరోగ్యం విషయంలో చూపిస్తున్న శ్రద్ధ చూసి ఆనందం వ్యక్తం చేస్తున్నారు. మెగాస్టార్ అభిమానిగా పుట్టడం తన పూర్వ జన్మ సుకృతం అంటున్నారు వెంకట్.
