సంతోషం పేరుతో గత 22 ఏళ్లుగా అవార్డులు అందిస్తున్న సంతోషం వారపత్రిక ఈ ఏడాది కూడా అందుకు సిద్ధం అయింది. సురేష్ కొండేటి ఆధ్వర్యంలో డిసెంబర్ 2న గోవాలో గ్రాండ్ గా జరగబోయే 22 వ సంతోషం – సౌత్ ఇండియన్ ఫిలిం అవార్డ్స్ వేడుకల నేపథ్యంలో సంతోషం టీం అప్పుడే ప్రమోషన్ మొదలెట్టింది. ఈ ప్రమోషన్ లో భాగంగా ఇప్పటికే ఔట్ డోర్ ఆఫ్ లైన్, ఆన్ లైన్ ప్రమోషన్ ని ఓ రేంజ్ లో ప్లాన్ చేసారు.
ఇప్పటికే తెలుగు రాష్ట్రాల్లో హైదరాబాద్ తో పాటు పలు పట్టణాలు, నగరాల్లో సంతోషం – సౌత్ ఇండియా ఫిలిం అవార్డు వేడుకల యాడ్స్, ఈవెంట్ డీటెయిల్స్ తో అందిస్తున్న ప్రమోషన్స్ కు అనూహ్యమైన స్పందన వస్తోంది. ఇప్పటికే చాలా మంది సోషల్ మీడియాలో సంతోషం డిజిటల్ ప్రమోషన్స్ గురించి ఓ రేంజ్ లో చర్చించుకుంటున్నారు. సౌత్ ఇండియాలో గ్రాండ్ గా జారబోయే 22వ సంతోషం – సౌత్ ఇండియా ఫిలిం అవార్డు వేడుకలు డిసెంబర్ 2న గోవాలో మధ్యాహ్నం 3గంటల నుంచి అంగరంగ వైభవంగా జరగనున్నాయి.
సౌత్ ఇండియా లోని నాలుగు బాషల సినిమాలకు అవార్డులు అందిస్తూ ప్రాచుర్యం పొందింది. అదే తరహాలో డిసెబంర్ 2న జరగబోయే ఈ అవార్డు వేడుకల్లో తెలుగు తో పాటు తమిళ్, మలయాళ, కన్నడ బాషల సినిమాలకు అవార్డులు అందచేయనున్నారు. సంతోషం అధినేత సురేష్ కొండేటి ఈ అవార్డు వేడుకలను ప్రతి ఏడాది ఓ యజ్ఞం లా జరుపుతున్నారు. ఈ వేడుకలకు తెలుగు,తమిళ, కన్నడ, మలయాళ, హిందీ భాషలకు సంబందించిన పలువురు స్టార్స్, టెక్నీషియన్స్ పాల్గొననున్నారు. అంతర్జాతీయ స్థాయిలో గ్రాండ్ గా జరగనున్న ఈ వేడుకల్లో పలువురు తారల డాన్స్, కామెడీ, హంగామాతో ఫుల్ ఫన్ అండ్ ఎంటర్ టైనేమేంట్ గా ఉండబోతోంది.
