Samyuktha : టాలీవుడ్ గోల్డెన్ లెగ్ గా పిలుచుకునే ముద్ధుగుమ్మసంయుక్త . మలయాళ కుట్టి సంయుక్త టాలీవుడ్ మేకర్స్ కి గోల్డెన్ లెగ్ అయ్యిపోయింది. ఈ అమ్మడు ఏ సినిమాలో నటించిన సూపర్ హిట్ అయ్యిపోతుంది. కేవలం హిట్ మాత్రమే కాదు ఆయా హీరోల కెరీర్ లో బెస్ట్ గా నిలుస్తున్నాయి చిత్రాలు. పవన్ కళ్యాణ్ (Pawan Kalyan) భీమ్లా నాయక్ సినిమాతో ఈ అమ్మడు టాలీవుడ్ ఎంట్రీ ఇచ్చింది. ఆ మూవీ ఎంతటి హిట్ అయ్యిందో అందరికి తెలిసిందే. ఇక ఆ చిత్రం తరువాత కళ్యాణ్ రామ్ (Kalyan Ram) సరసన బింబిసార సినిమాలో నటించగా.. ఆ చిత్రం కళ్యాణ్ రామ్ కెరీర్ లో బిగ్గెస్ట్ హిట్టుగా నిలిచింది.
ఈ చిత్రం తరువాత తమిళ హీరో ధనుష్ సరసన తెలుగు సినిమా సార్ చిత్రంలో నటించింది. అది కూడా ధనుష్ హైయెస్ట్ గ్రాసర్ గా నిలిచింది. తాజాగా సాయి ధరమ్ తేజ్ (Sai Dharam Tej) సరసన విరూపాక్షలో (Virupaksha) నటించింది. ఈ చిత్రం మొదటి షోతోనే బ్లాక్ బస్టర్ టాక్ ని సొంతం చేసుకుంది. తొలిరోజు ఏకంగా రూ.12 కోట్ల గ్రాస్ కలెక్షన్స్ అందుకొని సాయి ధరమ్ కెరీర్ లో బెస్ట్ ఓపెనింగ్ గా నిలిచింది.
ఇక ఈ సినిమాకి కూడా బ్లాక్ బస్టర్ రిపోర్ట్స్ వస్తుండడంతో టాలీవుడ్ ఆడియన్స్ సంయుక్తని గోల్డెన్ లెగ్ అంటూ కామెంట్స్ చేస్తున్నారు. దీంతో టాలీవుడ్ లో ఈ అమ్మడికి డిమాండ్ పెరిగిపోయింది. ప్రస్తుతం ఈ భామ కళ్యాణ్ రామ్ తో కలిసి డెవిల్ (Devil) సినిమాలో నటిస్తుంది. ఆల్రెడీ సక్సెస్ ఫుల్ కాంబినేషన్ అనిపించుకోవడంతో ఈ మూవీ పై పాజిటివ్ వైబ్ క్రియేట్ అయ్యింది. టీజర్ కూడా రిలీజ్ కాకముందే హిట్ అవుతుంది అంటూ జోష్యం చెబుతున్నారు. మరి డెవిల్ సంయుక్త సక్సెస్ కి బ్రేక్ వేస్తుందా? లేదా కొనసాగిస్తుందా? అనేది చూడాలి.
