Bollywood Actor : సినీ పరిశ్రమలో మరో విషాదం చోటు చేసుకుంది. తాజాగా హిందీ పరిశ్రమకు చెందిన బుల్లితెర నటుడు సూర్యవంశీ జిమ్ చేస్తూ అకస్మాత్తుగా మృతి చెందడం చిత్ర పరిశ్రమలో అందరినీ షాక్ కి గురి చేస్తుంది. బాలీవుడ్ టీవీ నటుడు ఆనంద్ వీర్ సూర్యవంశీ అకస్మాత్తుగా చనిపోయాడు. సిద్ధాంత్ వీర్ సూర్యవంశీగా పాపులర్ అయిన ఆయన… ఈరోజు ఉదయం జిమ్‌లో వర్కౌట్స్ చేస్తూ కుప్పకూలాడు.
వెంటనే చికిత్స నిమిత్తం ఆసుపత్రికి తరలించినా అప్పటికే అతను మృతిచెందినట్లు డాక్టర్లు నిర్ధారించారు. కాగా ఇటీవల కాలంలో పలువురు రాజకీయ, సినీ ప్రముఖులు గుండెపోటు కారణంగా మృతి చెందిన విషయం తెలిసిందే. కన్నడ పవర్ స్టార్ పునీత్ రాజ్ కుమార్ గతేడాది గుండెపోటుతో మృతి చెందారు. అలానే పలువురు రాజకీయ ప్రముఖులు కూడా ఈ ఏడాది గుండెపోటుతో తనువు చాలించారు.
కసౌథీ జిందగీ కే సీరియల్ తో మంచి పేరు తెచ్చుకున్న సిద్దాంత్ పలు సీరియల్స్ లో నటించి మెప్పించాడు. కొన్ని సినిమాల్లో కూడా కనిపించాడు. కృష్ణా అర్జున్, క్యా దిల్ మే హై, కోయీ హై, సూఫియానా మేరా ఇష్క్ హై సీరియల్స్‌లో సిద్ధాంత్ నటించాడు. క్యూ రిస్తో మే కట్టీ బట్టీ, జిద్దీ దిల్.. సిద్ధాంత్.. చివరి టీవీ షో ప్రాజెక్టులు. అతనికి భార్య, ఇద్దరు పిల్లలు ఉన్నారు. సిద్ధాంత్ భార్య సూపర్ మోడల్ అలేషియా రౌత్. 46 ఏళ్ల సిద్దాంత్ ఎప్పుడు ఫిట్ గా ఉండడం కోసం జిమ్ లో నిత్యం కసరత్తులు చేస్తుండే వాడు. సిద్దాంత్ మరణం పట్ల బాలీవుడ్ ప్రముఖులు, అతడి సన్నిహితులు దిగ్భ్రాంతి వ్యక్తం చేస్తున్నారు.
