ఇటీవల గూఢాచారి, మేజర్ సినిమాలతో మెప్పించిన నటి శోభిత ధూళిపాళ్లతో నటుడు నాగచైతన్య డేటింగ్‌లో ఉన్నాడంటూ గుసగుసలు గట్టిగా వినిపిస్తున్నాయి. ఈ విషయం సోషల్‌ మీడియాలో వైరల్‌గా మారింది. ఈ నేపథ్యంలో నటి సమంతపై ట్రోల్స్‌ మొదలయ్యాయి. సమంతనే ఇలా చేయిస్తోందంటూ ఆరోపణలు వచ్చాయి. దీంతో ఆమె ఇవాళ ట్వీట్‌ చేసి ట్రోలర్స్‌కి గట్టిగానే సమాధానం చెప్పింది.
‘‘అమ్మాయిపై రూమర్స్‌ వస్తే అవి నిజమే అనుకుంటారు. అబ్బాయిపై అలాంటి వదంతులు వస్తే అమ్మాయే చేయించిందంటారు. అబ్బాయిలూ ఇకనైనా ఎదగండి. ఈ విషయంతో సంబంధం ఉన్న ఇరుపక్షాలు తమ పని తాము చూసుకుంటున్నాయి. మీరు మీ పని మీద, మీ కుటుంబం మీద దృష్టి పెట్టండి’’ అని సమంత ఆ ట్వీట్‌లో పేర్కొంది.
