Kantara Movie : కన్నడ హీరో రిషబ్ శెట్టి నటించి, స్వీయ దర్శకత్వంలో తెరకెక్కించిన ” కాంతార ” సినిమా భారీ హిట్ ను సొంతం చేసుకుంది. రిషబ్ ప్రస్తుతం మూవీ సక్సెస్ ను బాగా ఎంజాయ్ చేస్తున్నారు. ఈ మూవీ హోంబలే ఫిల్మ్ బ్యానర్ పై నిర్మాత విజయ్ కిరంగదూర్ నిర్మించారు. ఇందులో సప్తమి గౌడ, కిషోర్, అచ్యుత్ కుమార్, ప్రమోద్ శెట్టి కీలక పాత్రల్లో నటించారు.ఈ చిత్రానికి అజనీష్ లోక్‌నాథ్ సంగీతం అందించారు. ఎలాంటి అంచనాలు లేకుండా విడుదలైన ఈ మూవీకి అద్భుతమైన రివ్యూస్ వస్తూ ప్రపంచవ్యాప్తంగా గుర్తింపు సంపాదించుకుంది.
కాగా ఈ సినిమా పాన్ ఇండియా లెవల్లో భారీ వసూళ్లు రాబడుతూ దూసుకుపోతుంది. ఈ చిత్రానికి ఊహించని స్థాయిలో రెస్పాన్స్ రావడమే కాకుండా… రిషబ్ నటనకు సినీ ప్రముఖులు కూడా ప్రశంసలు కురిపిస్తున్నారు. తాజాగా సూపర్ స్టార్ రజినీకాంత్ కాంతార చిత్రాన్ని వీక్షించారు. అనంతరం ఈ చిత్ర యూనిట్ పై ట్విట్టర్ వేదికగా ప్రశంసలు కురిపించారు. రజినీ ఆహ్వానం మేరకు శుక్రవారం ఆయన నివాసానికి వెళ్లిన రిషబ్ ను సన్మానించారు సూపర్ స్టార్. కాంతార చిత్రం తనకెంతో నచ్చిందని పేర్కొంటూ… రిషబ్ కు శాలువా కప్పి సన్మానించారు.
ఈ విషయాన్ని రిషబ్ శెట్టి తన ట్విట్టర్ వేదికగా తెలియజేస్తూ… సూపర్ స్టార్ రజినీ కి ధన్యవాదాలు తెలిపారు. మీరు మమ్నల్ని ఒక్కసారి మెచ్చుకుంటే… మాకు వందసార్లు అనిపిస్తుంది. ధన్యవాదాలు రజినీ సర్. మీకు ఎప్పటికీ కృతజ్ఞతతో ఉంటాము అంటూ రాసుకొచ్చారు.
ನೀವು ಒಂದ್ ಸಲ ಹೊಗಳಿದ್ರೆ.. ನೂರು ಸಲ ಹೊಗಳ್ದ೦ಗೆ ನಮಗೆ.❤️ಧನ್ಯವಾದಗಳು @rajinikanth sir ನಮ್ಮ ಕಾಂತಾರ ಚಿತ್ರ ನೋಡಿ ನೀವು ಮೆಚ್ಚಿದ್ದಕ್ಕೆ ನಾವು ಸದಾ ಆಭಾರಿ🙏🏼 #Kantara @VKiragandur @hombalefilms @gowda_sapthami @Karthik1423 pic.twitter.com/MNPSDR5jx8
— Rishab Shetty (@shetty_rishab) October 28, 2022
